Rimmel Lasting Finish Lipstick by Kate Moss 01, 03, 05, 08 Review

Здраво девојки! Како сте, се надевам дека се сте добро? Моментално сум надвор од Македонија - во Копенхаген - и деновиве врнеше снег и времето беше прилично многу ладно, па успеав за вас да спремам еден пост кој мислам дека ке ви се допадне.
Доколку патувате со WIZZ Air овој пост се надевам ќе ви биде од корист доколку сте во план да ги пробате кармините на Rimmel  кои се понудени во понудата од Јануари а по мислење на стјуардесите  понудата би требало да трае до крајот на Февруари.

Денес за вас спремив рецензија за Rimmel Lasting Finish Lipstick by Kate Moss кои ги ставив во категорија “Омилени”.  Кармините ги тестирав една недела и ова е моето мислење за истите:

Текстура и финиш: Овие кармини очигледно имаат сјаен финиш, но текстурата не е како другите сјајни кармини кои ги имам пробано. Овие кармини имаат нежна формула која е малку лизгава (ако може така да се изразам) која ги прави да не се собира пигментот во линиите на усните. Кога ќе ги протријам усните не ги осеќам како да се залепуваат една со друга. Исто така, кога ги нанесувам  кармините добивам чуство како да ги нанесувам со голема леснотија од едниот крај до другиот на усната. Овие кармини воопшто не се чусвуваат тешки, неверојатно лесно се чусвуваат на усните.

Пигментација:  Што се однесува до пигментацијата се многу пигментирани така што немате потреба да нанесете два слоја.

Времетраење: Инпресивно во секој аспект. Мене најмалку што ми траеле е четири часа, шест часови без да јадам оброк (за нијансите 03, 05, 08 - за 01 подолу). Кога пијам вода, кафе или кога грицкам нешто, карминот стои. Јас сум една од оние луѓе кои често си играм со усните (без разлика дали ги допирам, ги протривам или ги навлажнувам) и овие кармини го преживуваат сето тоа.

Хидратација: Kармините можат да ги исушат усните. Дали овие кармини ги сушат усните како некои кармини кои ги поседувам? Дефинитивно не. Всушност, воопшто не ги сушат моите усни, но  повеќе од 10 години испробувам разни кармини, па сметам дека сушењето / не сушењето може да биде различно кај секој. Јас не мислам дека овие кармини доволно ги хранат моите усни, но за среќа воопшто не оставаат чувство како да ги сушат.

Мирис и вкус: Дефинитивно мирисаат добро. Сите нијанси мирисаат овошно со плус некој благ акцент нешто помеѓу мачмалоу и ванила. Немаат вкус.

Пакување: Најпрво, четирите кармини доаѓаат во единечно картонско пакување во облик на коцка во чија внатрешност се сместени на  картонски држач. Пакувањето на кармините е прилично стандардно за Rimmel, црн мат пластичен контејнер во која е сместена формулата, а на врвот од капачето се наоѓа врежано логото на компанијата. Многу ми се допаѓа тоа што Кејт Мос им дала лична присвојност и посебност, ставајќи го нејзиниот личен потпис на капакот на кармините додавајќи едно малечко срце кое изгледа слатко.

Цена: 19 € - 1.168 МКД = 4 нијанси.

Број на нијанси: Според официјалниот сајт на Rimmel  овие кармини се достапни во 15 нијанси. Што значи дека ако ги купувате од друго место можете да си ја пронајдете нијансата која вас најмногу ви се допаѓа. За жал, забележав веднаш и навистина не ми се допадна  што овие кармини немаат имиња, туку нијансите се обележани со броеви што ги прави да изгледаат помалку здодевно.

Состојки: Голем плус за Rimmel бидејќи состојките од кои се направи кармините се испишани на пакувањето, така што нема потреба да се мачите да пребарувате.
Комплексион пигмент од Црн Дијамант (Black Diamond powder) е главната состојка која ги прави овие кармини посебни. Тој овозможува да се рефлектира светлината низ целите усни како никогаш до сега без светлината да паѓа на центарот на усните како што тоа е карактеристика за стандардните кармини  и да се постигне интензитет на бојата.

Ricinus Communis (castor) Seed Oil, Candelilla Cera/euphorbia Cerifera (candelilla) Wax/cire De Candelilla, Octyldodecanol, Caprylic/capric Triglyceride, Myristyl Lactate, VP/ Hexadecene Copolymer, Ozokerite, Lanolin, Castor Oil/ipdi Copolymer, Meadowfoam Estolide, Myristyl Myristate, Parfum/ Fragrance, Silica, Benzyl Benzoate, DI-PPG-3 Myristyl Ether Adipate, Dipentaerythrityl Hexa C5-9 Acid Esters, Sorbitan Sesquioleate, Tocopherol, Propylparaben, Copernicia Cerifera Cera/ Copernicia Cerifera (carnauba) Wax/Cire De Carnauba, Diamond Powder, Ascorbyl Palmitate, Benzyl Salicylate, Benzyl Cinnamate, Linalool, Aqua/water/eau, Chamomilla Recutita (matricaria) Flower/ Leaf Extract, Cucumis Sativus (cucumber) Fruit Extract, Tin Oxide, Cinnamyl Alcohol, Eugenol. [may Contain/peut Contenir/+/-: Mica, Titanium Dioxide (CI 77891), D&C Red No. 7 Calcium Lake (CI 15850), D&C Red No. 6 Barium Lake (CI 15850), Iron Oxides (CI 77491, CI 77492, CI 77499), FD&C Yellow No. 5 Aluminum Lake (CI 19140), FD&C Yellow No. 6 Aluminum Lake (CI 15985), D&C Red No. 27 Aluminum Lake (CI 45410), D&C Red No. 6 (CI 15850), D&C Red No. 28 Aluminum Lake (CI 45410), D&C Red No. 33 Aluminum Lake (CI 17200), FD&C Blue No. 1 Aluminum Lake (CI 42090), Carmine (CI 75470)].

Количина: 4 × 0.14 oz 4g

Произведени во: Англија

#001 Холивуд црвена нијанса. Ова е омилената нијанса на Кејт со која таа остава потпис на оваа колекција и исто така таа ја носеше на забавата на Rimmel London каде таа ја претстави оваа колекција на публиката. Морам да кажам оваа нијанса ме инпресионираше. Многу убав црвен кармин! На моите усни дефинитивно изгледа дека содржи син поттон, но кога ќе го нанесам на раката е вистинска црвена боја.

после скоро 5 часови активно јадење и пиење Карминот се уште стои!

После 9 часови може да се забележи дека скоро ништо не останал од карминот, поточно мала количина пигмент се насобрал во линиите на усните, но како и да е импресивно бидејќи многу ретко кој кармин оставил трага и по 9 часови.

#003 е мат розева гола нијанса на кармин која во себе содржи кафеав пигмент. Оваа нијанса е дефинитивно 'mast-have' во секоја 'makeup' торбичка, ова е перфектна гола нијанса - ниту премногу гола, ниту премногу розева. 

#005 е мат топла фуксија (цвеќе) нијанса која во себе содржи црвен поттон. Сметам дека ова ова е одлична нијанса за во пролет и лето.

#008 е мат многу светло виолетова (или 'plum') нијанса  која во себе содржи розев пигмент, малку по темна од #003,  но не можам да кажам дека е потполно светло виолетов кармин. Оваа е одличен дневн кармин за овој период, и ме потсетува на омилената нијанса на Кајли Џенер- MAC 'Whirl'

Совет: Додолку имате усни кои се подлежни на сушење, најдобар начин за го уживате носењето е најпрво да нанесете хидратантен балсам за усни кој во себе не содржи ни малку пигмент или да нанесете на усните малку кокосово масло, да оставите да дејсвува околу 10-15 минути, а потоа да ја нанесете вашата омилена нијанса.

Се надевам дека уживавте во овој пост и дека ви беше корисен. Известете ме доколку имате некакви прашања а не ги опфатив во овој или некој од претходните постови. 

Тое е се од мене за овој пост, знам дека постот беше предолг и ви одзема многу време, но сакав да го опфатам секој детал.

Дали имате пробано некој од кармините од оваа колекција?

Која е вашата омилена нијанса од колекцијата на кармините на Rimmel Lasting Finish Lipstick by Kate Moss?  

Би сакала да ги слушнам вашите мислења.

Секое добро, Ви посакувам да имате незаборавен викенд.

         Елена ღ