MY MAKE UP BAG

Вие знаете колку многу им давам важност на рачно изработените работи. Ја имав таа чест и привилегија да ја добијам првата рачно изработена торбичка од високо квалитетен материјал во црвено - црна боја, која изгледа многу женсвено. Внатрешноста на оваа торбичка ( или несесер - наречете ја како сакате ) е во интензивна црвена боја која прави да се заљубите на прв поглед, да бидам искрена  се заљубив само што ја видов. Не само што можете да ја користите за чување на производите, може и да ви послужи и како моден додаток за некој аутфит. Навистина интересно, што велите ? Моментално во неа ги чувам основните производи кои ги користам речиси секој ден. Со оглед на големината имам сеуште место за да ја дополнам со производи кои поретко ги користам.

Денес ќе споделам со вас кои производи  ја сочинуваат ова моја торбичка за шминки кои што вообичаено ги користам во еден нормален ден. Иако во мојата торбичка има многу производи, немојте да бидете премногу возбудени, бидејќи јас не  ги користам сите во еден секојдневен ден! Јас носам мала палета на сенки за секојдневна употреба со исклучок кога има посебна пригода. Па, да започнеме со производите кои ја сочинуваат:

1. L'Oreal Triple Active Day Cream - Кремата за лице за мене е многу важна, бидејќи имам сува до нормална кожа па оваа крема ја користам и како подлога за течна пудра.

2. L'Oreal Skin Perfection Awakening Eye Cream - крема за околу очи за да ги спречам подочниците и брчките кои ќе се појават во блиска иднина и за да ги покријам темните кругови кои ми се појавуваат после сресни денови. 

3. Labello Fruity & Shine ( Peach ) - Јас не сум јас ако не нанесам балсам за усни. Еден од многуте балсами за усни кои ги поседувам со мирис на праска кои ги прават меки, нежни, негувани, миризливи и сјајни усните.  

4. Neutrogena Levres Lippen - Уште еден балсам за усни кој има супер хидрирачка формула не ги прави сјајни усните и не е пигментирам ни најмалку, затоа можат да го користат и мажи. Го користам како подлога за кармин.

5. Dior 'Diorskin' Star Foundation - Мојата омилена течна пудра! За оваа течна пудра имам напишано рецензија доколку сакате да дознаете повеќе прочитајте повеќе за неа (ТУКА) .

6. Aura COVER ME! Concealer - Коректор кој го користам за пределот под очите за да ги покријам подочниците и темните кругови кои често ми се појават после напорен ден. Мојата драга колешка Азизе пишуваше за овој коректор, прочитајте повеќе за него (ТУКА) .

7. INK By DENNIS KNUDSEN ( 01 Autumn ) - Мала палета со сенки кои ги користам и на лицето како бронзер, руменило и банана пудро (го користам во комбинација со единечната сенка (за неа подолу) ).

8. INK By DENNIS KNUDSEN ( 01 BEIGE ) - Единечна сенка за очи која ја користам и во комбинација со жолтата сенка од палетата на истиот бренд, за осветлување на деловите на лицето во пределот очите, Т - зоната и пределот под веѓите.

9. Aura HIGHLIGHTER ( 219 Golden Spice ) - Вечерните излегувања и посебните пригоди ми се незамисливи без овој производ! 

10. Revlon Lip Butter ( 025 Peach Parfait ) - Мојот совршен секојдневен кармин. Доколку сте заинтересирани за путер кармините на Revlon прочитајте повеќе ( ТУКА ) .

11. INK By DENNIS KNUDSEN Perfect Stay Lipstick ( 13 Light Brown ) - Мојот прв избор на кармин за вечерни излегувања во овој есенско - зимски период. Одлична  неутрална нијанса која си го заслужи местото во мојата торбичка, нијанса на кармин која одговара на секаков аутфит. 

12. Aura ABSOLUTE MATTE Lipstick ( 626 Mistress ) - Втор избор на кармин за вечерни излегувања и посебни пригоди. Кремаст мат кармин за усни во интезивна виолетова нијанса која останува долго на усните. Доколку сте заинтересирани како изгледа на усните погледнтете ја сликата која ја постирав на мојот инстаграм профил ( ТУКА ) .

13. Brooklin Eyeliner No. 314 - Молив за очи во бела боја. Го користам само кога сакам да ги направам очите визуелно покрупни. 

14. L'Oreal Super Liner Perfect Slim ( Intense Black ) -  Туш за очи во форма на фломастер. Еден од одличните начини за нагласување на моите очи е црниот туш - вистинска класика, мачкини очи, пин-ап, едноставна или здебелена линија и уште многу други начини за инстант гламурозен изглед, во зависнот од расположението.  

15.  L'Oreal Color Riche Le Khol Midnight Black - Црниот молив за очи го користам во замена на тушот за очи кога сум во големо брзање и немам добра контрола со тушот, за да ги потенцирам очите со нанесување на долната водна линија или на горната водна линија за визуелно погусти трепки.

16. L'Oreal False Lash WINGS ( Black ) - Ниту еден изглед не би бил совршен и комплетен без овој моќен производ. Маскарата ги извлекува трепките од работ на окото со што создава очи како срна, односно пошироко отворени очи. Верувале или не, широките очи културно се изедначени со младоста, што потсвесно е поврзана со невиноста. Невиноста и младоста предизвикуваат заштитнички инстикти, како и чуства за привлечност. Затоа никаде не излегувајте без да нанесете барем еден слој маскара! 

16. Виткач за трепки - Го користам секој ден и кога не нанесувам маскара на трепките. Овој производ треба да го има секоја жена бидејќи има функција како 'Push Up Bra' ги подига трепките од коренот а кога ќе нанесете маскара вашите трепки ќе добијат должина  и густина. Доколку во вашиот несесер недостига ова алатка ве советувам веднаш да си ја набавите, разликата е воочлива веднаш по првото користење. Ве уверувам дека нема да можете да се одделите од него.

17. Aura Make Up Brushes + Impala Blending Brush No. 2 -  Четките за шминкање се најважните предмети во шминкањето. Доколку не користите соодветна четка, крајниот изглед може да изгледа смешно. Четките на Aura ги користам  повеќе од една година. Инвестираме во добра течна пудра, маскара, сенки за очи итн, но треба да се инвестира и во добар сет четки! Кога се сминкам дома или во автомобил јас со мене го носам овој сет од Aura заедно со четкичката од Impala. Тие ја прават мојата шминка да изгледа многу добро, заради текстурата на четките плус ми се допаѓа пакувањето во кое доаѓаат.  Сетот го сочинуваат четка за руменило, четка за нанесување сенка и мала четка за прецизно нанесување сенка. Четката од Impala најчесто  ја користам за нанесување хајлајтер иако нејзината функција е за сенчање.

Па, тоа е се од мене денес, се надевам дека уживавте во овој пост. 

Дали користите или сте пробале некој  од овие производите ?  Дали имате некоја препорака за мене ? Дали сте алергични на некои од овие производи ? Би сакала да ги слушнам вашите мислења во коментар и ви благодарам за читањето.

Доколку сакате да напишам рецензија за некој од наведениве производи известете ме !

                        Елена ღ